బంగారం ధర భారీగా తగ్గే అవకాశం.. అమెరికా ఫెడ్ నిర్ణయంతో పసిడి రేట్లపై ప్రభావం
బంగారం ధరలు భారీగా తగ్గే అవకాశం ఉందని మార్కెట్ నిపుణులు అంచనా వేస్తున్నారు. అమెరికా ఫెడరల్ రిజర్వ్ వడ్డీ రేట్లపై తీసుకునే నిర్ణయం పసిడి ధరలపై ప్రభావం చూపనుంది. వడ్డీ రేట్లు పెరిగితే ట్రెజరీ బాండ్లపై రాబడి పెరిగి, పెట్టుబడిదారులు బంగారం నుంచి ఇతర పెట్టుబడుల వైపు మళ్లే అవకాశం ఉందని నిపుణులు చెబుతున్నారు. దీంతో బంగారానికి డిమాండ్ తగ్గి ధరలు పడిపోవచ్చని అంచనా వేస్తున్నారు.
బంగారం ధరలు రానున్న రోజుల్లో భారీగా తగ్గే అవకాశం ఉందని మార్కెట్ వర్గాల్లో చర్చ జరుగుతోంది. అమెరికా ఫెడరల్ రిజర్వ్ తీసుకునే కీలక నిర్ణయం పసిడి ధరలపై ప్రభావం చూపే అవకాశం ఉందని నిపుణులు అంచనా వేస్తున్నారు.
సెప్టెంబర్ 15, 16 తేదీల్లో అమెరికా ఫెడరల్ రిజర్వ్ మానిటరీ పాలసీ సమావేశం జరగనుంది. ఈ సమావేశంలో వడ్డీ రేట్లపై కీలక నిర్ణయం తీసుకునే అవకాశం ఉందని తెలుస్తోంది. ఒకవేళ ఫెడ్ వడ్డీ రేట్లను పెంచితే బంగారం ధరలపై ప్రతికూల ప్రభావం పడే అవకాశం ఉందని ట్రేడర్లు భావిస్తున్నారు.
సాధారణంగా వడ్డీ రేట్లు పెరిగినప్పుడు ట్రెజరీ బాండ్లపై రాబడి పెరుగుతుంది. దీంతో పెట్టుబడిదారులు బంగారం వంటి సురక్షిత పెట్టుబడుల నుంచి తమ నిధులను బాండ్ల వైపు మళ్లించే అవకాశం ఉంటుంది. ఫలితంగా బంగారానికి డిమాండ్ తగ్గి ధరలు తగ్గవచ్చని నిపుణులు వివరిస్తున్నారు.
ద్రవ్యోల్బణాన్ని నియంత్రించేందుకు కేంద్ర బ్యాంకులు సాధారణంగా వడ్డీ రేట్లను పెంచుతాయి. వడ్డీ రేట్ల పెంపుతో రుణాలు ఖరీదుగా మారి మార్కెట్లో డబ్బు చలామణి తగ్గే అవకాశం ఉంటుంది.
ఫెడ్ వడ్డీ రేట్లు పెంచితే దేశీయ మార్కెట్లో కూడా బంగారం ధరలు తగ్గే అవకాశం ఉందని అంచనాలు వ్యక్తమవుతున్నాయి. దసరా, దీపావళి సమయానికి ధరలు తగ్గితే ఆభరణాల కొనుగోళ్లు పెరిగే అవకాశం ఉందని మార్కెట్ వర్గాలు భావిస్తున్నాయి.
Related Stories
