బ్యాంకుల్లో భారీగా ఉద్యోగాలు.. ఎస్బీఐ, బీఓబీ, బీఓఐలో నోటిఫికేషన్లు
బ్యాంకు ఉద్యోగాల కోసం ఎదురుచూస్తున్న అభ్యర్థులకు గుడ్న్యూస్. స్టేట్ బ్యాంక్ ఆఫ్ ఇండియా, బ్యాంక్ ఆఫ్ ఇండియా, బ్యాంక్ ఆఫ్ బరోడా పలు పోస్టుల భర్తీకి నోటిఫికేషన్లు విడుదల చేశాయి. స్పెషలిస్ట్ కేడర్ ఆఫీసర్, మేనేజీరియల్, వెల్త్ మేనేజ్మెంట్ విభాగాల్లో ఉద్యోగ అవకాశాలు ఉన్నాయి. అర్హతలు, ఎంపిక విధానం, దరఖాస్తు తేదీలకు సంబంధించిన పూర్తి వివరాలను అభ్యర్థులు తెలుసుకోవచ్చు.
బ్యాంకింగ్ రంగంలో ఉద్యోగాల కోసం ఎదురుచూస్తున్న అభ్యర్థులకు పలు అవకాశాలు అందుబాటులోకి వచ్చాయి. స్టేట్ బ్యాంక్ ఆఫ్ ఇండియా (ఎస్బీఐ), బ్యాంక్ ఆఫ్ ఇండియా, బ్యాంక్ ఆఫ్ బరోడా వివిధ విభాగాల్లో ఖాళీల భర్తీకి నోటిఫికేషన్లు విడుదల చేశాయి. అభ్యర్థులు తమ అర్హతలకు అనుగుణంగా పోస్టులకు దరఖాస్తు చేసుకోవచ్చు.
స్టేట్ బ్యాంక్ ఆఫ్ ఇండియా 35 స్పెషలిస్ట్ కేడర్ ఆఫీసర్ పోస్టులకు దరఖాస్తులను ఆహ్వానిస్తోంది. ట్రేడ్ ఫైనాన్స్ ఆఫీసర్ పోస్టుల భర్తీ చేపట్టనుంది. సంబంధిత డిగ్రీతో పాటు ఎల్ఐబీఎఫ్ నుంచి ఫోరెక్స్ ఆపరేషన్స్లో సర్టిఫికెట్ ఉన్న అభ్యర్థులు దరఖాస్తు చేసుకోవచ్చు. డాక్యుమెంటరీ క్రెడిట్ స్పెషలిస్ట్ సర్టిఫికెట్ ఉన్న వారికి ప్రాధాన్యత ఇస్తారు. అర్హతల ఆధారంగా షార్ట్లిస్టింగ్ చేసి, అనంతరం ఇంటర్వ్యూ ద్వారా ఎంపిక ప్రక్రియ నిర్వహిస్తారు.
ఎస్బీఐ వెల్త్ మేనేజ్మెంట్ విభాగంలో కూడా స్పెషలిస్ట్ క్యాడర్ పోస్టుల భర్తీకి నోటిఫికేషన్ విడుదల చేసింది. జోనల్ హెడ్, రీజినల్ హెడ్, రిలేషన్షిప్ మేనేజర్, ఇన్వెస్ట్మెంట్ స్పెషలిస్ట్, ఇన్వెస్ట్మెంట్ ఆఫీసర్ తదితర పోస్టులు ఉన్నాయి. ఈ పోస్టులకు డిగ్రీ, ఎంబీఏ, సీఏ, సీఎఫ్ఏ వంటి అర్హతలతో పాటు ఉద్యోగ అనుభవం అవసరం. ఎంపిక ఇంటర్వ్యూ ఆధారంగా జరుగుతుంది.
బ్యాంక్ ఆఫ్ ఇండియా కూడా మేనేజీరియల్ పోస్టుల భర్తీకి నోటిఫికేషన్ విడుదల చేసింది. చీఫ్ మేనేజర్, సీనియర్ మేనేజర్, మేనేజర్, ఆఫీసర్ పోస్టులు ఉన్నాయి. ఫుల్స్టాక్ ఇంజనీరింగ్, డిజిటల్ ప్లాట్ఫారమ్స్, డిజిటల్ బ్యాంకింగ్, ఇన్ఫర్మేషన్ సెక్యూరిటీ, డేటా ఇంజనీరింగ్ వంటి విభాగాల్లో అవకాశాలు కల్పిస్తున్నారు. పోస్టును బట్టి డిగ్రీ, ఇంజనీరింగ్ లేదా పీజీ అర్హతలు అవసరం. ఎంపిక ఆన్లైన్ టెస్ట్, ఇంటర్వ్యూ ఆధారంగా ఉంటుంది.
బ్యాంక్ ఆఫ్ బరోడా వెల్త్ మేనేజ్మెంట్ సర్వీసెస్, కార్పొరేట్ అండ్ ఇన్స్టిట్యూషనల్ క్రెడిట్ విభాగాల్లో ఉద్యోగాల భర్తీకి దరఖాస్తులు కోరుతోంది. వెల్త్ ఎగ్జిక్యూటివ్, క్రెడిట్ అనలిస్ట్ పోస్టులకు అవకాశాలు ఉన్నాయి. అభ్యర్థుల ఎంపిక ఆన్లైన్ టెస్ట్, సైకోమెట్రిక్ టెస్ట్, గ్రూప్ డిస్కషన్ లేదా ఇంటర్వ్యూ ద్వారా జరుగుతుంది.
బ్యాంకు ఉద్యోగాలకు దరఖాస్తు చేయాలనుకునే అభ్యర్థులు అధికారిక వెబ్సైట్లలో నోటిఫికేషన్ వివరాలను పరిశీలించి, చివరి తేదీలోపు దరఖాస్తు చేసుకోవాలి. అర్హతలు, అనుభవం, ఎంపిక విధానం వంటి అంశాలను పూర్తిగా తెలుసుకున్న తర్వాత మాత్రమే దరఖాస్తు చేయడం మంచిది.
Related Stories
