పులుల సంరక్షణలో భారత్ మరోసారి ప్రపంచానికి ఆదర్శం

పులుల సంరక్షణలో భారతదేశం ప్రపంచవ్యాప్తంగా ఆదర్శంగా నిలుస్తోంది. కేంద్ర ప్రభుత్వం విడుదల చేసిన తాజా వివరాల ప్రకారం, ప్రపంచంలోని అడవి పులుల్లో దాదాపు 75 శాతం భారత్‌లోనే ఉన్నాయి. 2014లో 2,226గా ఉన్న పులుల సంఖ్య 2025 నాటికి 3,167కు పెరిగింది. దేశంలో ప్రస్తుతం 58 టైగర్ రిజర్వ్‌లు పనిచేస్తున్నాయి. ప్రాజెక్ట్ టైగర్ వంటి కార్యక్రమాలు, అటవీ సంరక్షణ, అక్రమ వేట నియంత్రణ, ఆధునిక పర్యవేక్షణ వ్యవస్థలు పులుల సంఖ్య పెరగడానికి దోహదపడ్డాయని అధికారులు పేర్కొంటున్నారు. పులుల సంఖ్య పెరగడం జీవవైవిధ్య పరిరక్షణలో సానుకూల పరిణామంగా నిపుణులు అభిప్రాయపడుతున్నారు. అయితే ఆవాసాల పరిరక్షణ, మానవ-వన్యప్రాణుల ఘర్షణ నివారణ వంటి అంశాలపై కూడా సమాన దృష్టి అవసరమని సూచిస్తున్నారు.